WC inbuatsaihna tour-ah Mizo tleirawl 2

India Junior Women’s Hockey Team chuan September ni 26 atanga October ni 3, 2025 chhung hian Australia tour an nei dawn a, hetah hian India junior team player pawimawh, Mizo tleirawl pahnih Lathantluangi (Kanghmun South) leh PC Lalrinpuii (Hnahthial) an tel dawn.
Australia tour-ah hian India team leh Australia junior team chu match 5 an inkhel ang.
He tour hi December ni 1-13, 2025 chhunga khelh tur Women’s Junior World Cup-2025 atana India team-te inbuatsaihna tur a ni nghal bawk.
Santiago, Chile-a khelh tur Women’s Hockey Junior World Cup 2025-ah hian khawvel hockey thiam ram 24-te an inel dawn a, hetah hian India chu pool C-ah Germany, Ireland leh Namibia-te nen an awmho.
Lalthantluangi leh Lalrinpuiite hi kumin May leh June thla chhung pawh khan Argentina leh Europe lamah India tan an lo fehchhuak tawh a, India team innghahna pawimawh an lo ni tawh bawk a ni.