West Bengal Governor-in sawisel sak

West Bengal Governor C.V. Ananda Bose chuan Thursday (September 5, 2024) khan The Aparajita Women and Child (West Bengal Criminal Laws Amendment) Bill, 2024 technical report dilin bill “political gimmick” tia sawiin hetiang ang dan State dangte pawhin an siam chu President remtihna lak turin pending in a awm mek a ti bawk.
Bose chuan State sorkar chuan Bill remtihna a pek hmain technical report an pe hmasa tur a ni tiin a sawi a.
He Bill, Bharatiya Nyaya Samhita, Bharatiya Nagarik Suraksha Adhiniyam leh POCSO Act amendment siamna leh pawngsualtute thitura an chungthu rel theihna chu September 3 khan State Assembly chuan lungrual takin an lo pawm tawh a. He bill hi Kolkata-a R.G. Kar Medical College and Hospital a thawk doctor pawngsuala thahzui bawk a nih hnu kar thum hnua siam a ni.
“Tun hi sorkarin technical report pe lova Bill tikhawtlaia Raj Bhavan a puh tumkhatna a ni lo. Raj Bhaan chuan Nabanna chu mipui te hruai khawlova sorkar fellohna thup a tumah a dem hle a ni” tiin Raj Bhavan thuchhuak chuan a tarlang a.
Governor chuan Bill chu ‘copy paste niin a lang’ a ti ti bawkin Andra Pradesh, Maharashtra leh Arunachal Pradesh legislature te Bill passed tawh te nen a in ang hle a ti bawk a. Bill chu President pawmpui tura pending mek a ni tih hrefiah hle in Mamata Banerjee chuan Bengal mipui te bum nan dharna tihah a vau zui a ni, tiin tarlan a ni bawk.
“Governor chuan hetiang politics thila invehthlemna hi a lawm lo hle a, Governor chuan Chief Minister chu ‘rinawmna hi policy tha ber a ni’ tih kalpui turin a ngen a ni” tiin Raj Bhavan source chuan a tarlang bawk.