Czech Republic doubles specialist Barbora Krejcikova chuan Centre Court ni sensa iar hnuaiah Inrinni khan 6-2, 2-6, 6-4-a Italian nula tumtawi ve terh tawrh Jasmine Paolini hnehin single lamah pawh thiam a nei tih a lantir nawn leh a, a vawikhatna atan Wimbledon women’s singles title a hlawhchhuak.
2021 French Open title latu Krejcikova hian Grand Slam doubles title 10 la tawhin, chu’ng zinga pahnih phei chu Wimbledon hmuna a sualchhuah hi ni mah se grass-court grand slam tournament-ah hian hmeichhe singles title hi tunhma lamin a la sualchhuak ngai lo a, kumin erawh kum 28 mi hun a inherchhuak a; nikumah a chipui Marketa Vondrousova a lo champion tawh bawk nen Wimbledon-ah Czech nulate an inthlahrung lo chhunzawm zel!
London mipui tan hlawh zawk Paolini kha grand slam final-ah a vanduai tluang zel rih a, chawlhkar tlemte liamta mai khan French Open final-ah a chak lo tawh a, Italian player zinga Wimbledon singles title la hmasaber nih a tumna pawh a puitlin zo leh ta rih lo a ni.
Wimbledon lalnu thar Krejcikova
Get real time updates directly on you device, subscribe now.
Prev Post