Mizoram Presbyterian Kohhran Hmeichhe enkawl Women Centre Phunchawnga puan thui zir turte chu bul tan leh a ni tawh a. Synod executive secretary i/c Kohhran Hmeichhia Rev Dr K Lallawmzuala’n zir turte fuihna thu a sawi.
Women Centre-a puanthui zir tur hi zirlai 50 an awm a, zir hun chhung hi kum khat a ni. Kohhran Hmeichhe Rorel Inkhawmin a rel angin, kum 2024 atangin puanthui zirchhuakte hi puanthui khawl pek thin an ni. Women Centre-ah hian superintendent pakhat, zirtirtu pahnih leh staff pahnih, an vaiin thawktu panga an awm a ni.
Women Centre hi Presbyterian Kohhran Hmeichhe enkawl a ni a, hmeichhe dinhmun harsa leh khawsakna lama tanpui ngaite chawikanna atan din a ni. Kum 2016 atang khan puanthui zirna hi tan a ni a, mi engemawzatin an zir chhuak tawh. Kum 2017 atangin puantah zirna tih belhin, mi engemawzatin an zir chhuak tawh bawk.
Women Centre-ah puanthui zir tan
Get real time updates directly on you device, subscribe now.