Women Hostel sak mek endik

Women Hostel sak mek endik
Mizoram State Project Monitoring Committee (MSPMC) member leh Task Force chuan Nilaini khan ITI Veng leh Khatla Veng-a sawrkarin Working Women Hostel a sak mek chu a vawihnihna atan an endik.
MSPMC Team hian building sak mek hi a hmunah tlawhin, hnathawh tawh sa chu a tlangpuiin a tha an ti a. Concrete chak zawng pawh ‘rebound hammer’ hmanga enfiah niin, a nih tur ang a tling vekin an hmu. Zawh hun tur bituka zawh a nih theihnan contractor chu ruahmanna felfai tak siam turin an hrilh.
Working Women Hostel ITI Veng hi SASCI sum hmangin vaibelchhe 18.18 senga sak a ni a, contractor chu Fanhau Agency niin, a enkawltu department chu Mizoram PWD a ni. Nodal department chu Women & Child Development an ni. Kumin May 9-a zawh tura ruahman a ni a. Tunah hian a hna pumpui atangin zaa 15 zawh tawh a ni.
Working Women Hostel Khatla hi SASCI sum vbch. 29.72 senga sak a ni a, contractor chu Sky Builders niin, a enkawltu department chu Mizoram PWD a ni. Nodal department Women & Child Development an ni. Hei pawh May 9-a zawh tura tih tho a ni a, tunah a hna pumpui atangin zaa 15 an zo tawh.