Women’s Ballon d’Or dawng thei tur England trio
Nimin lamah men’s Ballon d’Or nominee tarchhuah a ni tawh a, hmeichhe footballer tha ber chawimawina 2024 Ballon d’Or dawng thei tura chhawpchhuahte kan thlir zui ve leh dawn a ni.
2023 Ballon d’Or dawngtu Spain leh Barcelona star player Aitana Bonmati chu kumina Ballon d’Or Feminin dawng thei tura nominee langsar a nih leh rualin England player pathum – Lauren James, Lucy Bronze leh Lauren Hemp-te pawh nominee zingah an tel.
Best female footballer chawimawina women’s Ballon d’Or 2024 dawng thei tura nomination hmu English nula pathumte hian 2023 Women’s World Cup final kha khel vekin, Spain lakah Lionesses an chakpui zo lo thung.
Tarlan tak angin, Spain World Cup winner leh Barcelona midfielder ni bawk Bonmati pawhin a title kawl lai 2023 award humhim thei turin player 30 awmna list-ah a hming a chuang leh phawt.
Chelsea chuan shortlist-ah hian player pali thawhin, chu’ngte chu – Germany midfielder Sjoeke Nusken leh Colombia striker Mayra Ramirez-te bakah kumin June thlaa a contract a hman zawh hnua Barcelona chhuahsana London club zawm ta Bronze leh James-te khi an ni.
Manchester City tana khel lai Japan midfielder Yui Hasegawa bakah Spain leh Arsenal forward Mariona Caldentey hmuh tur an awm bawk.
2023-24 Women’s Super League champion Chelsea hian mimal chawimawina dawng thei player an thehchhuah rualin club of the year prize pawh an beisei thei a, Barcelona, NJ/NY Gotham FC, Paris St-Germain leh Lyon-te nen thlan tura chhawpchhuahho an ni.
United States manager Emma Hayes chuan women’s coach of the year award a beisei mekna kawngah chuhpuitu hraw tak tak England boss Sarina Wiegman leh Chelsea hlawhtlinpuitu Sonia Bompastor-te a nei.
Kumin Ballon d’Or Feminin chawimawina hrang hrangte hi October ni 28 khian Paris khawpuiah puan leh sem a ni ang.
Women’s Ballon d’Or 2024 nominee:-
Aitana Bonmati (Spain & Barcelona)
Barbra Banda (Zambia & Orlando Pride)
Tarciane (Brazil & Houston Dash)
Lauren Hemp (England & Manchester City)
Trinity Rodman (United States & Washington Spirit)
Ada Hegerberg (Norway & Lyon)
Manuela Giugliano (Italy & Roma)
Mallory Swanson (United States & Chicago Red Stars)
Glodis Viggosdottir (Iceland & Bayern Munich)
Mariona Caldentey (Spain & Arsenal)
Lauren James (England & Chelsea)
Lea Schuller (Germany & Bayern Munich)
Patricia Guijarro (Spain & Barcelona)
Gabi Portilho (Brazil & Corinthians)
Tabitha Chawinga (Malawi & Lyon)
Caroline Graham Hansen (Norway & Barcelona)
Lindsey Horan (United States & Lyon)
Sjoeke Nusken (Germany & Chelsea)
Yui Hasegawa (Japan & Manchester City)
Lucy Bronze (England & Chelsea)
Salma Paralluelo (Spain & Barcelona)
Giulia Gwinn (Germany & Bayern Munich)
Khadija Shaw (Jamaica & Manchester City)
Grace Geyoro (France & Paris St-Germain)
Alexia Putellas (Spain & Barcelona)
Sophia Smith (United States & Portland Thorns)
Ewa Pajor (Poland & Barcelona)
Alyssa Naeher (United States & Chicago Red Stars)
Mayra Ramirez (Colombia & Chelsea)
Marie-Antoinette Katoto (France & Paris St-Germain)