World record holder Chepngetich an ‘suspend’

World record holder Chepngetich an ‘suspend’
2019 world marathon champion leh he tlankawng thui chi intlansiaka women’s marathon world record kawltu ni mek Ruth Chepngetich chu doping test-ah damdawi hman phal loh zinga mi a hmang tih hriatchhuah a nih avangin ‘suspend’ lailawk rih phawt a ni a, hremna tak tak chu la ngaihtuah leh tur a ni.
Chicago Marathon champion Kenyan nula rothap hi kumin March ni 14-a a taksa (sample) an endiknaah khap zinga tel diuretic hydrochlorothiazide (HCTZ) an hmuchhuak a, hrem hmabakin an phuar rih ta phawt a ni.
2019 world marathon champion Chepngetich hian October 2024 khan Chicago Marathon-ah darkar hnih, minute kua leh second 56 hmangin world record ding lai a break a, khawvel ngaihsan a hlawh laiin taksa atanga tuiril lam chhuak tha thei lo leh BP sang enkawlna damdawi chi khat HCTZ an tih chu a hmang tih an hmuchhuak a, he damdawi hi World Anti Doping Agency (WADA) inkaihhruaina lamah engtik lai maha hman phal a nih ngai loh avangin a chungchang ngaihtuah that turin marathon atangin an hnawtchhuak lailawk rih ta a ni.
Kum 30-a upa Chepngetich hma chiaha record kawltu chu Ethiopian Tigst Assefa kha niin, 2023 Berlin Marathon-a a record siam kha Kenyan hian minute hnih dawnin a khum ta a ni.