Wrestling inelnaah Saitual an thiam ber

Inter District Wrestling Championship, Freestyle Sub Junior, Cadet, Junior chu Mizoram Wrestling Association buatsaihin Saitual College Hall ah vawiin ni 11 June, 2025 tlai dar 3:00 kha ni hnih chhung awh hawn a ni a. Saitual Bawrhsap Dr. Lalngura Tlau, MCS chuan khuallian niin a telpui. He inelnaah hian Saitual chu team champion an ni.
Championship hawnna huna khuallian, Saitual bawrhsap Dr.Lalngura Tlau, MCS chuan, Wrestling chu India International Level ang pawha medal alak tamna ber chu Wrestling hi a ni. Hetiang a nih avang hian tuja wrestling khel mekten ram tana medal hlawhchhuak thei tur khawpa tan lak a tul, a ti a.
Saitual District hian Mizoramah hmun pawimawh a luah a, Mizo Inchai Weight hrang hrang champion lai kan kawl a, a lawmawm tak zet, a ti bawk. Saitual hi Mizorama Wrestling uarna a ni. Hetiang a nih mek laiin Wrestling Hall la nei lo a ni thung. Wrestling Hall mai bakah Gym awm theihna tur buaipui mek a ni. A hmun tur kan nei tawh a, hun rei loteah Wrestling Hall sakna tur pawisa pawh hmuh thuai beisei a ni, a ti bawk.
Inter District Wrestling Championship, Freestyle Sub Junior, Cadet, Junior ah hian district hrang hrang atangin inchai chak 139 an fua khawm a. A thlengtu Saitual atangin 69, Aizawl 19, Kolasib 18, Serchhip 27, Mamit 5 an ni.
Inter District Wrestling Championship hawnna inkhawm hi Pu Lalawmpuia, Saitual District Wrestling Association President in kaihruaiin, Mizoram Wrestling Association General Secretary Lalrochhuanga Colney in report tawi a pe bawk a ni. Inter District Wrestling Championship, Freestyle Sub Junior, Cadet, Junior ni 12.6.2025 tlai dar 3:00 khan kharna neih a ni.
Championship ah hian, Aizawl, Kolasib, Serchhip, Saitual leh Mamit atangin inchai chak 128 an fuankhawm a, heta wrestler 69 hi Saitual District atangin a ni. Gold Medal 8 la in Team Champion an ni bawk a ni.
He huna khuallian leh thusawitu Ngurthansanga, President Mizoram Wrestling Association chuan championship tluang taka neih zawh a nih tak avangin lawmthu a sawi a. He championship medal la zawng zawngten hei aia sang zawk, Mizoram mai ni lo, national level thlenga medal la turin a sawm.
Sorkarin Wrestlingah hmasawnna tur a hmu chho a, tun hnaiah training centre pali min ruahman saka, chungah chuan trainer leh thachhang dawl asst trainer min ruahman saka, hengte hi ngaithlu a, hmasawnna nasa zawk min neih tir tu a nih theihna turin hmangtangkai ang u, a ti a. Wrestler ten zirna hmasawnna kawngah wrestling ngaipawimawh chungin zir ila, zirthiamna aiin hman tlak zawka zirna hma chhawn turin wrestler te a fuih bawk.
Inter District Wrestling Championship Freestyle Sure Junior, Cadet leh Junior kharna inkhawm hi MWA Vice President Pu Vanlalruata chuan khuallian niin a hmaanpuia, Jt. Secretary Hmangaihhlima chuan lawmthu sawi a nei bawk.