Xi Jinping-an Jawaharlal Nehru a ‘Panchsheel‘ ngai pawimawh hle

Chinese President Xi Jinping chuan Non-Aligned Movement te ngaihpawimawh Five Principles of Peaceful Coexistence chu tunlaia buaina leh harsatna chinfel nan leh Khawthlang ram nena sang zawk nih inchuha Global South tena hmalakna an neih mekah a pawimawh thu a sawi.
Kum 71-a upa Xi Jinping chuan India-in ‘Panchsheel’ a tih Five Principles of Coexistence chu Beijing a conference neihnaah a pawimawhzia sawilangin Global Security Initiative-ah a lailum luah tur a ni a ti.
‘Panchsheel’ pointer ste hi Tibet region of China leh India tena April 29, 1954 a Agreement on Trade anf Intercourse a inremna an ziaha pholan hmasak ber a ni a.
‘Panchsheel’ or The Five Principles tih chu ramri buaina chinfel a nih theih nana hmalakna an neihah India Prime Minister Jawaharlal Nehru leh Chinese hotu Zhou Enlai tena an kalpui a ni a, mahse, an hlawhtlinpui lo thung.
“Five Principles of Peaceful Coexistence hi tuhn thlengin a la tha a ni. Tun hma pawhin Chinese leadership te chuan Five principles ‘mutual respect for sovereignty and territorial integrity’, ‘mutual non-aggression’, ‘mutual non-interference in each other’s internal affairs’, ‘equality and mutual benefit’, leh ‘peaceful coexistence’ hi an kalpui a ni” tiin Xi Jinping chuan a sawi.
“China-India leh China-Myanmar joint statement ah pawh Five Principles hi telh zel a ni a, state-to-state relations ah basic norms a hman a ni” tiin Xi Jinping chuan conference neihnaah a sawi a. he conference neihnaah hian Sri Lankan president Mahinda Rajapaksa te bakah ram hrang hrang China nena inlaichinna nei tha atangin political leader te pawh an tel hlawm a ni.
‘Panchsheel’ Five Principles of Coexistence hi Asia(India) chhuak a ni a, rang takin khawvel a deng chhuak a ni. Kum 1955 khan Asian leh African ram 20 chuang te chuan Bandung Conference ah an tel a ni, tiin Xi Jinping chuan a sawi bawk.
Non-Alignment Movement chu Jawaharlal Nehru hmalaknaa din niin kum 1960 chhovah guiding principle atan ‘Panchsheel’ or Five Principles hman a ni.
“Five principles hi international relations teh nan bera hman leh international rule of law behchhan atana hman a ni” tiin Xi Jinping chuan a sawi bawk.
Five Principles hi UN charter thil tum leh principles te nen inrem thlap a ni bawk a. Global Security Initiative (GSI) te pawhin Vision of Building a Community with a Shared Future for Mankind’ tiha kan behchhan ber a ni tiin Xi Jinping chuan a sawi bawk.
Nikuma kum nga atana thlan tlin leh Xi Jinping chuan hmalakna tam tak a neih zingah China-in global influence a neih theih nan belt and Road Initiative (BRI) te chu a dah pawimawh hle a.
BRI hnuaiah hian Beijing chuan ram tenau zawkah infrastructure project liantham tak tak a kalpui a, chung ramte chuan China leiba tam tak neiin harsatna an tawk thung a, China chu debt diplomacy kalpui tiin an sawisel ve bawk.
Tun hnaiah erawh China chuan US leh EU bakah India nena inbakkaihna an neih deuh reng chuan Global South tia sawi Asian, African leh Latin America rama a dinhmun sawhngheh a tumna lamah harsatna a tawk bawk.
China chuan Global South-South Cooperation tha zawka kalpui nan Global South Research Centre a din dawn tiin Xi chuan a sawi bawk a.
China chuan ‘Five Principles of Peaceful Coexistence Scholarship of Excellence,’ 1,000 hneah pe in, Global South ram te atangin Global SOuth Youth Leaders’ programme hnuaiah mi 1,00,000 te training a pe ang a ti bawk.