YMA branch-in kum 25 tlin an lawm

Last updated Apr 4, 2023 22 0

YMA branch-in kum 25 tlin an lawm
YMA Chhiahtlang Hmarveng Branch chuan an 50 tlin, Silver Jubilee chu Thawhlehni khan an lawm a. Bialtu MLA, minister Er Lalrinawma’n a hmanpui.
Minister chuan jubilee hi inremna leh hmasawnna thlentu nise a duh tih a sawi a. “YMA chu a din chhan ang ngeiin Kristian nun dan tha ngaisangtu, lusun khawhar hnemtu, mi chhumchhia leh tanpui ngaite tanpuitu ni zel rawh se,” a ti.
YMA member-te chu Zonun zemawi, tlawmngaihna, aia upa zahna kawngah leh faina kawngah midang tihhmuhtu ni zel tura chahin, YMA-in a ngaihpawimawh thin, ram leh hnam humhalh, ruihhlo do, zirna uar te chu sawrkar pawhin a ngaipawimawh a, nasa takin kawng hrang hrangah hma a la reng tih a sawi bawk.
YMA Chhiahtlang Hmar Veng hi YMA Lamchhip Branch atanga indang niin, kumin hi an Branch din kum 25-na a ni. Tunah hian YMA member 209 – mipa 180 leh hmeichhia 129 an awm.