YMA leh KTP-in ruihhlo ngai pui

Bawngkawn-a Young Mizo Association leh Kristian Thalai Pawl chuan an veng huamchhunga ruihhlo beiseia tlulutte sawmkhawmin hun an hmanpui a. A tul angin hma an la zui.
Central YMA leh kohhran hrang hrang thalai-ten ruihhlo ngai leh a zuar tam lutuk tih rem dan tur sawiho a, theih ang anga thawhho tha an tih angin, kohhran thalai lamin hemi kaihhnawiha inzirtirna kalpuia hma an lak chhohna kalzelah YMA Bawngkawn Branch leh KTP Bawngkawn Branch thawkdun chuan Inrinni khan an huamchhunga ruihhlo ti leh zuarte vaikhawmin Bawngkawn YMA Zawlbukah an hruai a. Eitur an pek bakah Pathian thua councelling pe in, a then chu home/ centre ah an dah.
He hmalaknaah hian ruihhlo ngai leh ti mipa 32 leh hmeichhia 7, an vaiin 39 hruaikhawm an ni a. YMA member hi an president K Lalrinawma hoin mi 30 thawkchhuakin, KTP hi an leader F Zodinpuia hoin mi 60 vel an thawkchhuak a. Central YMA president Lalhmachhuana’n a tawiawm a ni.