YMA member-ten ruihhlo kaihhnawiha hriat tur zir

Social Welfare & Tribal Affairs department hnuaia Mizoram Social Defence & Rehabilitation Board buatsaih ruihhlo chungchanga hriat tur tul inhrilhna ni hnih workshop chu Ningani khan Aizawlah tan a ni a. Mizorama YMA branch hrang hrang aiawh mi 20 leh Zampui tlangdung Tripura aiawh mi 4 an tel.
Workshop-ah hian dan loa ruihhlo tawlhruk, ruihhloin mihring taksa/ thluak a nghawng dan leh ruihhlo ngaite enkawl dan zir a ni a, heta telte hi mahni awmna veng/ khua theuhah kohhran leh khawtlangah zirtirna pe thei tura beisei an ni.
Resource person-ah psychiatrist Dr Ruth Lalmuanpuii, Excise & Narcotics joint commissioner Peter Zohmingthanga, leh Synod Hospital Durtlang superintendent Dr RL Sanghluna ten ruihhlo chungchanga hriat tur an hrilhhria a, sawiho zui a ni.
Vawiin – March 8 hian Synod Hospital K-Ward an tlawh anga, damlo (ruihhlo ngai) enkawl danah Dr RL Sanghluna hian an hriat tur hrilhin zirtirna a pe dawn a ni.