YMA rorelna sang CCC a thu

Young Mizo Association (YMA) rorelna sang ber dawttu, Central Coordinnation Committee (CCC) chu Nilaini khan rorel vawi 98-na Aizawlah an nei.
Central YMA president Lalhmachhuana kaihhruai he thutkhawmah hian CCC meeting neih hnuhnung ber, kumin September 13 leh tun inkara Central YMA chetvelna leh hmalakna hrang hrang, rorel thu bawhzui kawnga hmalakna leh YMA Inkhawmpui Lian 2023 neih takte chu general secretary Prof. Malsawm-liana’n a report a ni.
October 24-26 a Biatea YMA Inkhawmpui Lian thlirlet a ni a, Khawmpui liana rorel palaiten an thu pass bawhzui dan tur relin, hmalakna tak tak chu Central Executive Committee kutah dah vek a ni.
CCC ah hian member-te chu Central YMA office bearers, Central YMA CEC member-te, Sub Hqrs. aiawh mi 6, Group YMA aiawh mi 2 leh Aizawl khawpui chhung YMA Branch aiawh mi 1 theuh an ni a, tun tumah hian member 227 an kal a ni.