YMA rorelna sang thukhawm

YMA rorelna sang, Central Coordination Committee ( CCC) thutkhawm vawi 100-na chu Nilaini khan Aizawlah Central YMA president Lalhmachhuana kaihhruaia neih a ni.
Central YMA general secretary Prof. Malsawmliana’n report a pe a. Thutkhawmah hian Central YMA hruaitute bakah Sub- Hqrs, Group leh Aizawl khawpui chhung Branch aiawh mi 252 an tel.
CCC thukhawm hian kumin October 24 Aizawla YMA Rorel Inkhawm vawi 4-naa ngaihtuah tura thulut a thlifim a. Agenda zingah YMA khawih 8 leh sawrkar khawih 5 chhawp chhuah tura pawm a ni.
Hei bakah hian Central YMA budget 2024- 2025 ruahman chu Rorel Inkhawma pharh turin pawm a ni a. Chhiatni thatni kaihhruaina ennawn tura rawtna pawh Rorel Inkhawma chhawp chhuah tura pawm a ni bawk.