Young scientist-ah Mizo zirlai

Young scientist-ah Mizo zirlai
Jawahar Navodaya Vidyalaya (JNV) Thenzawl-a pawl 9 zirlai Lalremruata Renthlei chu ISRO (Indian Space Research Organisation) in ‘young scienctist’ a thlanchhuah zingah a tel.
ISRO-in National Young Scientist Programme (YUVIKA) 2025 a buatsaiha tel tur hian India ram pum atangin zirlai 98000 tel tum zinga 350 thlanchhuah zingah Lalremruata Renthlei s/o Liantluanga Renthlei Thenzawl hi a tel a. Kumin May 19- 30 chhung khan Shillong-a North Eastern Space Applications Centre (NE-SAC) ah residential camp neiin, space science & technology lama an hriat tur pawimawh inhrilh a nih bakah rocket siam, drone robotic, 3D leh virtual reality hmanrua chi hrang hrang siam leh khawih tir an ni.
Indian astronaut Angad Prathap an kawm bakah Guwahati Planetarium, Eastern Air Command leh Don Bosco Museum tlawhpui an ni bawk.