Youth Icon Top 10 music video ‘I Do Tlang Ang U’ tlangzarh

LPS Youth Icon 2024 Top 10 ten a huhoa music video an siam ‘I Do Tlang Ang U’ tih chu Nilaini zan khan LPS Director Lalsawmliana Pachuau-in a tlangzarh a, concert an nei chhunzawm nghal a ni. He music video hi Youth Icon 2024, Taitea YouTube channel-ah dah a ni.
Music video tlangzarhna leh Concert hi Dawrpui Multipurpose Hall-ah neih a ni a, video tlangzarhtu chuan Mizoram runa, tibuai mektu ruihhlo lakah fihlim turin kalkhawmte a chah a, ruihhlo bawiha tangte pawhin a nghei theih zia hriaiin ruihhloah fihlim turin a ngen nghal bawk.
Youth Icon top 10 te music video ‘I Do Tlang Ang U’ tih hla hi C. Awma phuah a ni a, a video hi Osiama Pictures kut chhuak a ni a, recording hi MS Home Studio-ah tih a ni.