Youth Services minister-in tlawh

Youth Services minister Lalnghinglova Hmar chuan sawi lawk loin Zirtawpni chawhma khan MZP Pisapui a tlawh a. MZP Gen. Hqrs hruaitute nen an inkawm.
Youth Services minister a nih angin MZP Pisapui a tlawh tih sawiin, MZP chu zirlaite leh Mizo hnam tana pawl pawimawh leh tangkai tak a nih avangin an office hmuhpui a duh tih a sawi.
“Mizo thalai leh zirlai zingah ruihhlo ngawlvei leh ti thar an awm zel leh an pung chho zel hi a mangan thlak a. Theih ang anga hma la turin MZP ka sawm a ni,” Lalnghinglova Hmar hian a ti.
MZP hruaitute chuan Youth Services minister a nih avangin an intineitu tih hrilhin, MZP Pisapui a tlawh avangin lawmthu an hrilh a. Mizo zirlaite leh ram leh hnam tana a department chan hnuaiah thawhpui an inhuam tih an hrilh. Sports department hnuaia sports infrastructure-te zirlai tana hman tangkai theiha ruahmanna siam turin an ngen bawk.