Jojo Siwa hian April thlaa a hla ‘Karma’ a tihchhuah khan sawiselna a tawk nual tawh a, mahse, engteh ualah a ngai lo a ni ang chu, he hla hi a music video a siam zui leh a, a video hian hmeichhe zaithiam music video YouTube-a ‘dislike’ ngah record a siam a ‘YouTube’s Most Disliked Music Video by a Female Artist in 2024’ a ni. Record siamna atana thil duhawm lo lam a ni.
Jojo Siwa ‘Karma’ music video hian dislike maktaduai 3.1 chuang a nei tawh a, a sang fal nal nal a, mahse, a zam chuang lo, “Taylor Swift ka khum ve theihna pakhat a nih hi,” a la ti ham ham.
Hmeichhe zaithiam music video YouTube-a dislike ngah pahnihna chu Taylor Swift ‘Fortnight’ niin, dislike 3,50,000 chuang a nei tawh a, pathumna chu Katy Perry ‘WOMAN’S WORLD’ niin, dislike 3,30,000 chuang a nei tawh a, palina chu Ariana Grande ‘yes, and?’ niin, dislike 2,90,000 a nei tawh bawk.
Jojo Siwa, kum 21, hian a ëng zawngin thil a thlir thiam viau a ni ngei ang, “Ih maw, kei chiah hi eng list-ah emaw Taylor Swift ka khum e, ti thei awm chhun ka nih hi. Ka pawm e,” a ti.
YouTube-a music video ‘dislike’ ngah ber Jojo Siwa ‘Karma’
Get real time updates directly on you device, subscribe now.
Prev Post