Mizo lal huaisen Zakapa Fanai, Khawhri lal chanchin behchhana film an siam chuan July ni 12-ah an tichhuak dawn ta. He film script hi Zoa Hnamte siam niin, document hi Zakapa Award Committee niin, State Tribal Resource & Training Centre, Directorate of Social Welfare & Tribal Affairs, Govt. of Mizoram leh Ministry of Tribal Affairs, Govt. of India puihnaa siam a ni.
Zakapa chanchin hi kum 1839-1914 inkara thil thleng niin, British-in India an la awp laia a ni a, hetih lai hian superintendent MC Murray, Mizoram ‘Marliana’ kan tih mai chuan a bial a fannaa Mizo lal nenah ran talh tur leh coolie (kuli) a ngiat thin a, hei bakah hian mutpui tur nula ngen a ching bawk a.
Lal Zakapa khua a tawlh tum pawhin nula a ngen ve leh a, mahse, Zakapa hian a pe duh ta lo a. Hei vang hian Zakapa leh a khua ten an tawrh tak dan te tarlan a ni.
He biographical film hi TC Vanlalzauva siam niin, ani hi Mizo film lama kuthnu pawh lo nei nual tawh niin, ‘Lenmawii,’ ‘Luah loh lungdi,’ ‘Zotansangi,’ ‘Thamral Si Lo,’ ‘Ngurthansangi,’ ‘Tunge i nih?’ ‘Biahthu,’ ‘Zunzam,’ tih leh film dang te pawh a lo siam tawh a, documentary film pawh a nei nual tawh a, chung zingah chuan ‘This is Mizoram’ tih a siam pawh 17th Mumbai Internatonal Film Festival 2022-ah an lo screen tawh nghe nghe a, Mizoram Film Forum leh Dept. of Information & Public Relations-in short film competition tum hnih an siam tawhah lawmman pakhatna a lo la ve ve tawh a, best director-ah te pawh thlan a lo ni tawh bawk.
‘Zakapa Fanai’ biographical film tichhuak dawn
Get real time updates directly on you device, subscribe now.
Prev Post
Next Post