Zambia president hlui inthlanpuia din khap

Zambia president hlui inthlanpuia din khap
Zambia court sang ber chuan an ram president hlui Edgar Lungu chu kum 2026 a inthlanpui an neih leh hunah din a phalsak lo.
Constitutional court chuan an hruaitu hlui kum 68 mi hian danin a phalsak term hnih aia tam a hmang tawh niin a sawi a ni.
Lungu hi January 2015 khan president atan thlan tlin a ni a, president nilai Michael Sata a boral avanga a term chelh chhunzawmtu niin, court chuan hengte hi chhiar zawm vek turin a ti.
Lungu erawh chuan hei hi duh lovin, chhiar tel tur a nih loh thu a sawi thung a, court thutlukna chu politics leh mimal thila inbeihna dik tak nia a hriat thu a sawi bawk.
Court thuchhuah chuan, vawi hnih thlantlin tawh a nih avangin Lungu chu president chuh thei tura ding thei a ni tawh lo tih a sawi a, ram dan kalha chetna thlentir lo turin an ngen bawk.