Mithiam ten zirchianna an neih tharah zan mut that loh hian inhmangaih te inkarah inhauhna a thlen nasain, mi pahnih te inkar pawhin a chhiat phah der thei niin an sawi.
UC Berkeley psychologist Amie Gordon leh Serena Chen te chuan zan mut that loh hnuah ngaihzawng te emaw kawppui te emaw lakah kan phunchiar a, inhnauh kan awlsam bik niin an sawi.
Gordon chuan, “Kawppui te nena inhau ngun te chu an hlim lo zawk a, an hrisel lo zawk bawk,” a ti a, “Kan zirchianna hian zan mut that loh chuan thil ho leh tul lo tak takah kawppui te nena inhauhna a thlen sam bik hle tih kan hrechhuak a ni,” a ti bawk.
Tunhma lama zirchianna an lo neih tawhah pawh zan mut that loh hian inhmangaih te inkarah harsatna a siam duh tih an lo sawi tawh thin a, tun tuma zirchianna an neihah hian an rawn nemnghet ve leh ta a ni.
UC Berkeley a psychology-a professor Serena Chen chuan, “Zan mut that loh hian kan kawppui te nena kan inkar a tihchhiat phah thei tih kan hrechhuak ta a, a hmaa kan rin aia nasain a nghawng a lo na zawk. Mut that loh chuan thinchhiat leh phunchiarna te a thlen a, huatthu a lo chhia a, tul hauh loah kawppui te nena inhauh mai kan awlsam ta thin a ni,” a ti.
He zirchianna chungchang hi journal Social Psychological and Personality Science-ah tihchhuah a ni.
Zan mut that lohin hmangaihna a tibuai thei
Get real time updates directly on you device, subscribe now.
Prev Post
Next Post