Zawlbuk Lairelna Inpui hawng

Zawlbuk Lairelna Inpui hawng
Zoram Thar Zofate Lairelna Inpui chuan Nilaini khan Zoram Thar Zawlbuk, Zofate Lairelna Inpui an hawng.
Hawnna thu sawitu Zoram Thar Zofate Lairelna hruaitu Rev Dr Zaichhawna Hlawndo bakah kohhran leh pawl hrang hrang aiawhten thu an sawi a. Thusawitute chuan Zofate chu Pathian hnam thlan, party, kohhran leh hnama indaidanna thiah a hun tawh takzet tih an sawi. Tun hun hi Zofate inpumkhat a, ram leh hnam damna tura thawhho hun a ni tawh tih an sawi bawk.
Zawlbuk hi Lalpa nena inpawlna tawngtaina inpui, Pathian lal ram buaipuina tur hmun a ni tih Zoram Thar hruaitute chuan an sawi a. Kartin Inrinni chawhma dar 11-ah tawngtaina hun hman thin a ni dawn tih an sawi.
Zoram Thar hian a hrana member an lak loh avangin, inpui thar hi Zofa zawng zawng ta a ni a, a duh tan tawngtaina hmun atan a hman theih tih an sawi bawk.