Zei taka lerh dan!

Sap hoin flirting an tih hi Mizo tawnga dah mai dan tur a vang riau, lerh deuh hleka chet meh emaw in-chu-kha emaw kan ti mai dawn em ni! Flirting hi art a ni e, an ti mauh mai a, zirthiam theih niin an sawi bawk.
Relationship lama mithiam te sawi danin kan awih emaw awih lo emaw flirting hi hringnunah a bet ve tlat niin an sawi a, zei taka flirt dan pawh zir thiam theih a ni e, an ti bawk a, tips thenkhat chu kan rawn tarlang e:
1. Eye contact a pawimawh hle. Mit intawn tir chhak chhak hian i ngaihven a ni tih a lantirna tha tak a ni. Melh vung lovin, a khat mawi tawka mit leh mit chu intawn tir chhek chhek tur a ni.
2. Zangkhai takin be rawh. Zak leh ti deuh chuih chuih lovin, zangkhai takin be pawp rawh. Chu chuan boruak a siam nghal var ang.
3. I nih loh anga lan tum suh. Chutiang a nih chuan hah tunin i awm a, nangmah i confi lovin, i awmdan nuam i ti lovang. Chu chu i chetziaah a lang chhuak hma em em a ni.
4. Nui sak rawh. I nuih sak tawh kha chuan mipangngai tan hai theih a ni tawh lo. Kan nuih sak hian an lakah kan rilru a no riau tih kan lantir a ni.
5. |awngkam uluk rawh. I tawngkam thlang fimkhur hle la, a engamah hmaa a zahmawh zawnga ngaih theih i hmang nghal ringawt a nih chuan boruak a tichhe vek thei a ni.