Zirlaite hmalam hun kawhhmuh
Directorate of School Education, Samagra Shiksha Mizoram leh ZALEN tangho chuan zirlaite kal zelna tura an hriat tur tul inhrilhna ‘Fenthlir 2025’ ni hnih awh tur chu Ningani khan Aizawlah an nei tan a. Education consultant RevDr K Thanzauva’n a hawng.
ZALEN editor Vanlalrema Vantawl chuan Fenthlir-in a tum ber chu, zirlaite hma hun thlirpui a, khawvel tak ramah an hma hun atan an zirlai atan, an eizawnna atan eng hi nge tha ang, tih ngaihtuah tir a ni ber tih a sawi.
Career opportunity hrang hranga Mizo mithiamte panelist sawm bikten thu an sawi a, School 8 – Govt KM HSS, Govt. Mizo HSS, Govt. MICE HSS, Oikos HSS, Govt. Republic HSS, Mount Carmel HSS, Greenland HSS leh Synod HSS-a class XII zirlaite atangin 1800 vel an tel a ni.
Panelist-te hian career awareness lama zirtirna an pek bakah Womens’ Polytechnic leh phai lam atangin institution pali – Bharat Vidyapeet University, Pune; Jain University Bangalore; Royal Global University Guwahati leh Badruka School of Management Hyderabad chu zirlaite dawr theihin an inpho bawk.
Fenthlir hi vawiinah chhunzawm a ni anga, school pasarih leh college pahnihin an chhim dawn a ni.
Zirlaite hmalam hun kawhhmuh
Get real time updates directly on you device, subscribe now.
Prev Post