Mizoram Samagra Shiksha leh Tharthilthlentu (TiLi) thawhdunna pilot project, ‘Project Intodelh inzirtirna’ ah Thawhtanni thuthlung an ziak.
Hmanpuitu School Education minister Dr Vanlalthlana chuan ‘Project Intodelh inzirtirna’ hi school 10-ah neih a ni dawn a. Kum 2008 atanga a vei, ‘Entrepreneurship in Education’ tih paper hial a lo ziah tawh thu sawiin, khawvel a danglam ruala insiamrem ve thei kan nih a ngai tih a sawi a ni.
Zirlaiten nih tum hrang hrang an neih thin chu an nih theih loh tawpah thil siamchhuah leh sumdawn lam an hawi chauh thin tih sawiin, “Hei hian ngaihtuahna a ti thuiin, thlak danglam a ngaiin ka hria. Mizoram hi intodelhna kawngah nasa lehzuala kan inzirtir a tul a; hei hi zirlai kan nih atanga tan a tul hle,” a ti. He project tih chhin tawhna kum 2 chhungah pawh a takin a langchiang tih a sawi a ni. Hna hmu tur ni loin, mahni intodelh tir chu zirna in a tum a ni tih a sawi bawk.
Tharthilthlentu chairman LTL Fela chuan ‘Project Intodelh Inzirtirna’ hian TEMC (TiLi Entrepreneurial Mindset Curriculum) hnuaiah framework mumal zawk nena duan a nih dan a sawifiah a. Pilot project a nih hma hian Dr Vanlalthlana MLA fund hmanga uluk taka lo kalpui tawh a ni tih a sawi. Hun hmasa lama an lo kalpui tawh danah zirlaite chu group-ah sem darhin sumfai Rs. 2000 theuh hmantir an ni a, a course inzirtir chhung zawng hian group anga thawk hoin Rs. 2000 chu an peipung ho a ni.
TEMC-in a tum ber chu, zirlaite mahni intodelh nih tir a ni a, thu ringawt niloa a taka a tam thei ang tih (practical)chu a kawng inkawhhmuh a ni.
He project hi school 10 – Govt. KM High School, Govt. Central HS, Govt. KVM H/S, Govt. JL H/S, Govt. Hrangchhunga H/S, Govt. Mizo HSS, Govt. Chaltlang HSS, Govt. Zemabawk HSS, Govt. Republic HSS leh Govt. MICE, Aizawl ah kalpui tum a ni.
Zirlaite hnena intodelh zirtirna tur project-ah thawkdun dawn
Get real time updates directly on you device, subscribe now.
Prev Post
Next Post