Zirlaite ruihhlo that loh zia hrilh

Zirlaite ruihhlo that loh zia hrilh
District Level Task Force on Ruihhlo Do Kolasib leh YMA Diakkawn Branch tangdun chuan Ningani khan zirlaite pual bik ruihtheihthil laka fihlimna campaign an buatsaih.
Hmanpuitu Kolasib bawrhsap Robert C Lalhmangaiha chuan Kolasib district chu Assam nen inrina, Mizoram chak lakna ber a ni a, bungraw tamtak lut zingah thil thalo, ruihtheihthil pawh a lut tel thin, tiin, chumi dang tur chuan Kolasiba chengte leh YMA mawhphurhna a sang hle tih a sawi.
Sualna hrang hrang, ruihtheihthil leh hursualna laka fihlim turin zirlaite a chah a. Mizo culture ngaipawimawha chhawmnung zel a, kan hnam nuna pawimawh tak khuang hnih hla pawh ngaihlu turin a chah bawk.
Zirlai puala ruihtheihthil that lohna inzirtirnaah hian ruihhoin hriselna a khawih pawi theih dan leh rilru lam thlenga nghawng a neih dan zirho a ni a. Class 7 atang class 12 inkar tinzawn deuh bik an ni. November thla chhung hian Kolasibah YMA branch hrang hrangah ruihhlo do kawnga hmalakna hi kalpui a ni ang.