Zirlaite tan Aptitude Challenge Exam
Aizawla Ramthar Veng YMA chuan an vengchhunga zirlaite tan Thawhtanni khan Aptitude Challenge Examination an buatsaih.
YMA Ramthar Veng Branch hian vengchhung zirlaiten an zirlai mek, zirna sang an hmachhawnna tur, hna zawnna lama hma an sawn theihnan leh hmangchang an hriat theihnan Aptitude Challenge Examination hi an buatsaih tih sawiin, zirlaite hi category 4: category I – class 1 to 5, category II – class 6 to 8, category III – class 9 to 10, category IV – class 11 to 12 a then an ni a. Exam-ah hian section hrang hrang – auantitative aptitude, reasoning, general knowledge leh English ah inelin, OMR sheet hmanga exam tir an ni. Exam-ah hian zirlai 312 an tel.
Category pali-a a titha top 5 chin tan lawmman: 1-na Rs. 10000, 2-na Rs. 7000, 3-na Rs. 5000, 4-na Rs. 3000, 5-na Rs. 2000 bakah top 10 chin chu trophy leh certificate hlan an ni dawn a. Lawmman tur leh senso hi vengchhung mi thahnemngaiten an thawhkhawm a ni. RACE 2025 result hi June 20 khian puan tum a ni.
Exam-ah hian zawhna hi national level-a siam a ni a. Naupangten an zirna kawngah exam engpawh hmachhawn se, a chhan dan tur riruang an hriat theihnan tangkai hle tura ngaih a ni. Hna zawnna lama exam hmachhawn kawngah pawh puitu tha tak a nih ngei beisei a ni bawk.
Zirlaite tan Aptitude Challenge Exam
Get real time updates directly on you device, subscribe now.