Tomato, Zikhlum leh Dawnfawh-ahte hma sawn

Kum li kum nga vel liam taah khan Mizoramin tomato eikhawp a thar tawhah ngaih a ni a, chhungkaw engemaw zatin tomato hi eizawn nan an hmang mek.
Zikhlum pawh chhungkaw engemaw zatin hna berah an neih a, tun hnaiah dawnfawh pawh Mizoramin a thar ta nual.
Thlai tharchhuahah tun hnaiah tomato, zikhlum leh dawnfawh lamah Mizoramin hma a sawn a, a thartute pawhin kut hah man an hmu.
Mizoram Economic Survey 2024-25 bua a lan danin, tun hnaiah tomato tharchhuahah Mizoramin hma a sawn a, 2023-24 chhung khan Mizoram district hrang hranga tomato tharchhuah zat chu MT 2230 a ni. Tomato man atanga a thartute sum hmuh chu cheng vaibelchhe 5.74 tiin an chhut.
Tomato aiin zikhlum atanga sum lut a tam a, tharchhuah pawh a tam zawk. 2023-23 chhungin Mizoramin zikhlum MT 3300 a thar a, a thartute sum hmuh zat cheng vaibelchhe 6.57 tiin an chhut.
Zikhlum chi khat ryozeki vangin Mizoram tharchhuah hi a tam tiin Mizoram Economic Survey buah hian an ziak a, fur lai pawhin hetiang zikhlum hi a thar a, zikhlum chi dang, season danga thar aiin a man a tam zawk bawk an ti.
Dawnfawh thar zat an tarlang lo a, a thartute sum hmuh zawng zawng chu cheng vaibelchhe 3.49 tiin an ziak.
8 Tomato man cheng vaibelchhe 5.74 hmuh a ni
8 Zikhlum man cheng vaibelchhe 6.57
8 Dawnfawh man vaibelchhe 3.49 hmuh a ni