Zirnaa hmasawnna atan rally nei
NIPUN Bharat Mission buatsaihin Foundational Literacy & Numeracy (FLN) Rally chu Nilaini khan Aizawla Joint YMA Field Vaivakawn, Bawngkawn Primary School & Middle School II leh College Veng field ah te buatsaih a ni.
Zirna kalphung thar, New Education Policy (NEP) 2020 hnuaiah sawrkar laipuiin zirna kawnga hmasawnna atan Foundational Literacy & Numeracy (FLN), naupang kum 3-9 inkar ina ziak, chhiar leh chhiarkawp awmze nei zawka an zirthiam theihna’na hmalakna a ni. FLN tihhlawtlinna’n leh hmalak chhohna’n Mission dinin, chu chu NIPUN Bharat Mission tih chu a ni. He Mission zinga hmalakna pakhat chu, FLN Rally buatsaih a ni a. FLN Rally hi nu leh pate, NGOs, khawtlang mi, zirlai leh zirtirtute leh adt. te hnena awareness campaign neihna kal zel a ni. June 1-15 inkar chhung hian state-in activity hrang hrang tih tur a nei a, FLN hi chu’ng zinga pakhat chu a ni.
Rally-ah hian sikul thlanchhuahten zirna pawimawh thu leh tangkaina te ziaka pholangin, school awmna vengah zirlaiten an kalkual pui a, a kharna chu Joint YMA Field Vaivakawn, Bawngkawn PS & MS II leh College Veng field ah te neiin, rally-ah hian zirlai 1515 an tel.
Foundational Literacy & Numeracy (FLN) rally-ah hian professional football lama Mizo zinga sulsutu zing ami S Malsawmtluanga, ziaktu hriat hlawh leh journalist Lalhruaitluanga Chawngte, India national basketball player leh infiamna lama hriat hlawh Lalrina Renthlei ten an telpui a ni.
Zirnaa hmasawnna atan rally nei
Get real time updates directly on you device, subscribe now.