Zirtirtu ngiat zirlaiten class thulh

School (HSS) Serchhip zirlaite chuan an sikula zirtirtu indaih lohna avanga zirtirtu dah belh ngiata ni hnih chhung badge dum an belin awmzia a neih loh hnu ah Ningani khan class kal loin an nawr chhunzawm.
Thudawn danin, Govt. HSS, Serchhip zirlaite hian September 20 khan an sikula zirtirtu dah belh phutin lungawi lohna an lantir a. Lungawiloh lantir nana kawngzawh an tum chu Serchhipa MNF party hruaitute nen an inbiakna hnu ah an thulh lailawk.
History, Mizo, Physics leh Chemistry zirtirtu dah belh an phut thu hi School Education minister hnenah an thlen leh a, Samagra Shiksha hnuaiah September 26 khan Chemistry zirtirtu chu attach-a dah niin, zirlaiten an phut anga zirtirtu pek an la nih loh avangin zirlaite hian October 3 & 4 khan badge dum belin an nawr zui a ni. Thu lawmawm an dawn loh chuan sikul kal chunga class kal loh an tum thu Education minister hnena an lehkha thehluha an lo sawi lawk tawh angin, October 5 an sawilawk ang hian an kal.
Ruahman lawk ang chuan ni hnih chhung class an kal lo anga, awmzia a neih loh fo chuan October 9-ah an zirtirtute leh DEO office kal tur dan an tum bakah October 10-ah kawngzawh an tum a ni.