Zirtirtu transfer/posting chhui tum

Zirtirtu transfer/posting chhui tum
Politics thil vanga zirtirtu sawn an ni thin chu zirlaiten an tuar nasa a, sawrkarin zirtirtu transfer and posting a kalpui dan chu an chhui dawn tih Mizo Students’ Union president B Lalkhawngaihzuala chuan a sawi.
Kumin atana MSU Gen. Hqrs. office kharna an hmannaah an president hian, MSU chu zirlai pawl a nih angin Mizo zirlaite chanvo humhim turin theihtawpin ke a pen dawn tih a sawi a. Thiamna leh finna chauh hmachhuan a, ram leh hnam hmakhua ngai lotuten eirukna hmangin ram an tichhe mek tih a sawi.
MSU chuan zirtirtu transfer and posting chungchang a chhui dawn tih sawiin, “Politics thil avanga zirtirtute sawn an ni thin hi zirlaiten an tuar nasa hle a ni,” a ti. Sawrkar high school, a bikin HSLC Exam Centre thenkhata headmaster awm mumal lo chu MSU chuan tha a ti loa, Samagra zirtirtuten hlawh an hmuh that loh chungchang, sawrkar department hnuaia dik taka hna lak a nih theihna tur leh Mizoram hmun hrang hranga kawng chhia avanga zirlaiten harsatna an tawh chungchangah MSU chuan hma a la dawn tih a sawi bawk