Zirtirtuten climate change zir

Mizoram Science, Technology & Innovative Council (MISTIC) hnuaia Climate Change Wing bultumin Champhai zirna in hrang hranga Science, Social Science leh Environmental Studies zirtirtute pualin climate change chungchanga hriat tur tul sawiin an intuaithar.
He hun hmanpuitu district education officer leh Samagra Shiksha DPC C Lalbiakzauva chuan climate change-in nitina kan khawsak phung leh thlawhhma kawng zawh thlengin min nghawng a. Chhuan thar lo awm turte tan environment tha zawk siam turin zirtirtuten kan zirlaite uar zawka kan hrilhhriat a, kan kaihhruai a tul tih a sawi a ni.
Climate change awmzia leh chumiin nghawng a neih hrang hrangte power presentation hmanga inzirtir a ni a. Champhai district zirbingnaa harsatna hrang hrang awm leh an dinhmunte inhrilh a ni.