Zirtirtuten minister hnenah thlen

Mizoram Teachers’ Federation (MTF) hruaitute chuan Nilaini khan School Education minister Dr Vanlalthlana kawmin, sawrkara an thu thlen duh hrang hrang an thlen.
Inkawmnaah hian Mizoram School Education Service neih, school inspecting post ruak hnawhkhah, Hindi zirtirtu post ruak hnawhkhah, school provincialization, zirtirtu tranfser dan leh thildang an sawi ho a. MTF thu thlen hi a theih anga a lo bawhzui tur thu leh a tul chuan inkawm leh zel a duh thu minister hian a lo hrilh.
Mizoram Teachers’ Federation hi School Education department hnuaia association hrang hrang khaikhawmtu a ni a. Minister an hmuhnaah hian elementary atanga secondary school zirlaite leh zirtirtute harsatna leh a sutkian theih dan tur pawh an sawipui a ni.