ZMC&H-in kum 7 a tling ta
ZMC&H-in kum 7 a tling ta
Zoram Medical College & Hospital (ZMC&H) Falkawn chuan Ningani khan an din champha vawi 7-na an lawm.
Hmanpuitu Health & Family Welfare minister Lalrinpuii chuan Mizoram mipui tan ZMC&H a hlu hle tih a sawi a. Tunhnaiah hmasawnna tam tak hmuh a ni chu lawmawm a tih thu sawiin, India rama institution tha ber ber atanga zir chhuak thawktu ZMC&H-in a nei chu zirlaite tan thil lawmawm tak a ni tih a sawi.
Zirlaite chu Mizorama cancer hluar chhan leh natna dang pawh zirchiang a, tih takzeta bei turin a fuih.
Minister hian MBBS Intern Hostel sak thar, khum 60 awmna – Charles Robert Darwin Hostel tia vuah chu a hawng nghal a. Hostel hawn thar bakah hian mipa hostel pahih leh hmeichhe hostel pathum a awm a, a vai hian zirlai 600 chuang awm theihna a ni.
ZMC&H-ah hian MBBS zirlal 394 an awm mek a, internship ti mek 98 an awm. Batch hnih (2018 & 2019 batch) atangin MBBS zir chhuak 189 an awm tawh a ni. Tunah doctor 372 awm mekin heng zinga 80 chuan damlo enkawl leh zirtir hna an thawk kawp a, research lama inhmang bik mi 60 an awm. Nursing, paramedical & allied staff mi 450 awmin, technical staff 120 an awm bawk.
Tunhnaia ZMC&H hmasawnna langsar zual:
8 Thluak zai theihna Neurosurgery Unit leh lung tha lo zai theihna Cardiothoracic & Vascular Surgery Unit din thar niin, doctor thiam takin an thuthchilh.
8 PM Abhim Scheme hnuaiah cheng vaibelchhe 25 sengin Critical Care Block sak mek a ni a. Thawktute awmna tur, mi 120 awm theihna sak mek niin zaa70 zawh a ni tawh.
8 Mizoram Universal Health Care Scheme (MUHCS) hnuaiah medical officer 2, nursing officer 54 leh Group D 13 lak thar an ni a. MUHCS kalpui hnuin khum 52 awmna ward bakah cabin 20 leh ICU 13 dah belh a ni tawh. Tunah a vaiin khum 505 a awm a ni.
8 Mizorama a hmasa ber atan Mizoram Health Systems Strengthening Project hnuaiah Biopsy Compatible CT Scan bun tum mek a ni.
8 National Institute for Locomotor Disabilities Kolkata, National Emergency Life Support leh Jodhpur School of Public Health nena thawhhona thuthlung siam mek a ni.
8 Laboratory thawmthat zel niin, Viral Research and Diagnostic Laboratory Team ZMC&H hian India rama diagnostic laboratory titha lawmman ‘Excellence for Best VRDL 2024 Award’ a lo dawng tawh a ni.