Manipur state-ah Zo hnahthlakte leh Meitei an inbei a, ram inchuha inbei an ni. Zo hnahthlakte chuan ram an la hum thei a, ram an la chan lo tih an sawi.Meitei lam hi mipui chauh ni lovin Manipur sorkar leh police nena Tangruala cheah Zo hnahthlakte chuan an ngai a, ralthuam, lirthei leh hmanrua pawh an nei Tha an ti. Mahse Meitei lakah ram an la chan lo a, ram an la hum thei tih an sawi.
Zo hnahthlakte hruaitu pakhat chuan Sugnu vela an inep nasatna Serou khua chu a changtu zawk an awm lo tih a sawi a, “A changin keini lamin kan chang a, a changin anni lamin an chang a. A chak zawk kan awm lo,” a ti.
An hruaitu pakhat chuan, “Kan la Tang thei zel a. Ram kan la chan lo. Amaherawhchu, inchuh reng kan ni a, inep reng, inbei reng kan ni a, huai taka thil sawi chu a har a,” a ti.
Tun hnaiah Meitei-in Run lui an kan tawh tih thu a thang a, social media-ah he thu hi a darh. Manipur-a Zo hnahthlakte chuan hemi chungchangah zawhna an dawn tam thu leh thudik a nih loh thu an sawi.
“Helai vel ram chinchang hre lote’n an lo sawi ve a ni ang. Run hi anni lam tan kan emaw kan loh emaw han tum viauna tur pawh a awm rih lo,” Zo hnahthlakte hruaitu pakhat chuan a ti a, Run kam vel, a lehlam lehlamah Zo hnahthlakte leh Meitei an inchen pawlh thu a sawi.
“Run kam velah hian khua a tam a, a lehlam lehlamah keini lam khua leh anni lam khua hi a awm a, chuvangin anni tan pawh Run han kan ngawt hi a Tulna tur tun dinhmunah chuan a awm lo,” a ti a, “Meitei lam hian Run lei an tichhia a, chuvangin an kan ngawt thei lo. Kan Talh hi an tum a nih chuan a kual thei ang bera an hel a ngai,” a ti bawk.
Tun hnaia an inep natna Sugnu vel pawh Nilaini vel aTang khan an boruak a dai a, Nilaini khan Thingkangphai-ah an inkap. Thingkangphai-a an inkahnaah hian Meitei pathum leh Zo hnahthlak pakhatin nunna an chan nia sawi a ni.
‘Zo hnahthlakte’n ram kan la chan lo’
Get real time updates directly on you device, subscribe now.
Next Post