Manipur-a Zofa inkara buaina chhuak chu pawi an tih thu Zo Reunification Organisation (ZORO) chuan sawiin, hetiang hi thleng nawn tawh lo se an duh tih an sawi.
ZoRO Gen. Hqrs chuan tunhnaia Manipur-a Zofate inkara buaina chhuak leh chumi kaihhnawih a nunna chan bakah hliam tuar engemawzat an awm leh hmun him lam pana mahni in leh lo chhuahsan an awm chu chuan pawi a ti a. Hetianga unau kara buaina chhuak hi khawiah mah thleng tawh lo se a duhin, Zofa hnamtin hnenah a ngen tih a sawi.
‘Manipur-ah hian Meitei nen thih leh dam karah nunphung pangngai tak pawh zawh thei loin kan awm mek a. Tanrual hun tak a nih lai a, keini kan intihbuai hian kan tan rah tha engmah a thlen dawn loh a, channa nasa tak leh kan hmelmate tan lawmna mai a ni ang. Meitei awpbeha kan awmna nikhua a tisei ting mai dawn a ni,’ a ti.
ZORO chuan Zofa hnamtinte inzahtawn leh inngaichang tawn turin a ngen tih sawiin, hnam kara buaina tichhuak thei thilah chuan tupawh fimkhur a, boruak tipunlun zawnga thil ti loa, inhriatthiamna sang tak nen thu inbahsual palh chang a awm pawha a khirh zawng ni lo, a dam zawnga chinfel dan zawng thin turin a ngen tih a sawi a ni.
Zofa kara buaina chhuak pawi ti
Get real time updates directly on you device, subscribe now.
Prev Post