Zofa raltlante MZP-in kan

Bangladesh-a buaina awm avanga Mizoram lama Zofa raltlante chu Thawhlehni khan Mizo Zirlai Pawl hruaituten an tlawh a. Pang Zirlai Pawl leh Hmar Student’s Association hruaituten an tawiawm.
Parva III, Chamdur ‘P’ leh Vathuampuia Bangladesh atanga Zofa raltlante hi MZP Gen. Hqrs. chuan an president H Lalthianghlima hoin an tlawhkual a, an harsatna tawh leh an mamawh hrang hrang an enfiah nghal.
MZP president chuan raltlante chu thlamuang taka awm turin a chah a, khawtlang leh kohhranah inhmang tur leh theihtawp chhuaha intodelh tum turin a chah bawk.
Parva III-ah raltlan chhungkaw 41 awmin, mi 198 an ni a; Chamdur ‘P’ ah chhungkaw 22 awmin, mi 127 an ni. Vathuampuiah chhungkaw 76 awmin, mi 350 an ni.
MZP hian Parva III-ah blanket 30 leh sumfai Rs. 2000; Chamdur P-ah Rs. 5000; Vathuampuiah blanket 30 leh Rs. 2000 an hlan a. Khawtlang hruaituten lo tawiawmin anmahni khuaa zirna in lama an harsatna tawh hrang hrang an lo thlen a ni.