Zofa unau inrem theihna tur MZP-in sawipui

MZP Gen. Hqrs hruaitute leh Interim Chin National Consultative Council (ICNCC) hruaitute chu Nilaini khan an thukhawm a. Myanmar Chin state-a Zofa hnam hrang hrangte inkarah thawhhona tha tak a awm theih nan leh inpumkhatna a awm theih nan hma lak ho zel dan tur an sawi.
MZP chuan Chin state chhunga Zofa hnam hrang hrang inkarah innghirnghona awm mek chu tha a ti lo tih a sawi a. Thawhhona tha tak a awm theih nan, ICNCC hi a sawipui a. Hun remchang hmasa berah Chinland Council leh Chin Brotherhood bakah pawl dang dang pawh a sawipui dawn tih a sawi a ni.
Thukhawm chuan, MZP-in Chin unaute kara inremna a awm theih nana hma a la chu tha a ti a. Unau leh unau karah policy inang lo mah se, tharum thawh loh nise, tih te; remna a awm theihnan hma lak chhunzawm leh, Myanmar rama remna leh mipui sawrkar a din theih nan theih ang anga thawhho nise, tih te sawi a ni.