ZORO hnenah dar bel hlan

Manipur atangin zawlnei Ngaikholam Tauthang (94) chu Aizawlah rawn kalin Zo Reunification Organisation (ZORO) hruaitute hnenah dar bel a hlan.
Thawhtannia Aizawla dar bel inhlannaah Ngaikholam Tauthang chuan Covid hrilen hma daih tawh khan Zofate inkarah inremna a awm theih loh avangin ral a awm dawn thu hi Pathian atangin a dawng a, a lo hmuh lawk ang ngeiin kumin May 3 khan Zofate leh Meitei inkarah buaina nasa tak a thleng ta a, he buaina hi nidanga an buaina thin ang a ni ta loa, hei ngei hi Pathianin a hmuhtir kha niin a ngai nghet ta tih a sawi. Manipur Zofate an inthurual lo hle a, Pathian an tlansan nasa tawh a. Tun atanga tanrual chuan Zofate duhthlan ram an hmu anga, heti chunga Pathian thu awih loa an awm chuan tun aia nasa in harsatna an tawk dawn tih a hrilh thu a sawi.
Pathian hmuhtir danin, Aizawla kalin, dar bel hlanna tur chu Pathian hnen atangin a rawn thlen mai tur thu a hrilh a. ZORO chu Zofa khawvel hmun hrang hranga awm huapzo pawl a nih angin, an hnena hlan turin a ti niin a sawi.