ZPM-in CM car man a to an ti lo

ZPM party chuan chief minister-in car thar cheng nuai 20 chuang man a nei thar chu, a dinhmun thlirin car man toa chhiar sak chi a ni lo tih an sawi.
ZPM thupuangtu K Laltluangkima chuan chief minister Lalduhoma’n MLA inthlan hma in, ‘ZPM chief minister chu car man to ah a thu dawn lo’ tia a lo sawi tawh thu sawi chhawngin, CM chu an nei ta ngei a, CM hlui car, kum 15 vela upa tawh a chhawm a, siamthat reng ngai a nih avangin car thar leisak a ni, tih a sawi. Hetiang car hi cheng nuai 20-32 inkar vel a ni tih a sawi a ni.
“Hetiang hi tunlaiah chuan state khat chief minister chuanna atan chuan car pangngai mai a ni. A to kan ti a nih chuan to chu a ni mai anga, eng car pawh lei se, tu emaw tan chuan to chu a ni mai zel ang. CM level atan chuan a to lo a, car satliah a ni a, kan thikthu kan pe chhe mah mah a ni,” a ti.
CM chu Z+ category security nei a ni a, tunlai kan chhehvel boruak thlirin, security thil atan pawh car man tlawm leh chak lo tak neih chu thil tha lo tak a ni zawk tih sawiin, “A tul a tih chuan bullet proof car pawh hmang thei a ni a. Chutih lai kara hetiang car satliaha a inhnukhniam thei hi fak tur zawk a ni dawn lo’m ni,” ZPM thupuangtu hian a ti.