ZPM-in dawtin MNF MLA puh

• MNF Thalai

ZPM-in dawtin MNF MLA puh

• MNF Thalai
  ZPM Gen. Hqrs. thuchhuahah MNF vice president Pu Lalchhandama Ralte, MLA chu June 7-a MSU huaihawt kawngzawhnaa tel ve niin dawtin an puh a, hei hi an la thutak hle tih MNF Thalai chuan a sawi.
  MNF Thalai Hqrs. thuchhuak chuan, he kawngzawh ni hi MNF office – Mizo Hnam Run-a MNF inkhawm ni a ni a. Zirlai kawngzawh an tam avangin lirtheiin Hnam Run a thlen theih loh a. MNF MLA dang leh midangte ang thoin MLA Pu Lalchhandama Ralte hian ke in Hnam Run a pan a, zirlai kawngzawhte pawh a rawn paltlang ve tih a sawi a ni.
  MNF hun lai khan Samagra project hnuaia zirtirtu hna lak thar chu advertisement kaltlanga lak vek a ni tih MNF Thalai hian sawiin, ‘Thihna leh hun laklawha hna ruak (casual vacancies) erawh Samagra danin a phal ang leh Executive Committee-in thuneihna a pek angin SPD-in office order hmanga a hnawhkhah a awm zeuh zeuh a, hei hi state dangte tih dan pawh a ni,’ a ti.
  MNF sawrkar lai vek hian zirtirtu indaih lohna nasa lutuk phuhrukna atan MR zirtirtu 880 lak turah advertisement chhuah a ni tih pawh sawiin, ‘MTET leh D.El.Ed nei kawp diltuin an daih loh avangin Council of Minister chuan zirtirtu lak a tul avangin zirtirtu training Diploma D.El.Ed neite chu relaxation kum 5 hun pein lak tel an ni a. Heng trained teacher tam tak hian MTET an nei tawh a, D.El.Ed nei MTET la nei hman lo pawhin last chance an bei mek,’ a ti.
  MNF hunlaia Education minister leh sawrkar rorel dan chu a puitlingin a zahawm hle tih a sawi a. Thudik ziktluak sawi tur a awm reng laia tuna Education minister leh ZPM-in thudik famkim lo an sawi thin chu a vanduaithlak a tih thu MNF Thalai hian a sawi a ni.