ZPM-in intiamna ‘DAH’ tihlawhtling – Congress president

ZPM chuan mipuia an intiamna ‘DAH’ chu an tihlawhtling a, a hlawhtlin dan erawh a lungchhiat thlak tih Congress president Lal Thanzara chuan a sawi.
Hmar tlangdung fanga zin mek MPCC president hian an party hruaitute leh kuthnathawktute a kawm a. ZPM-in an intiamna ‘DAH’ chu a takin an tihlawhtling a. Hmun hrang hrangah ZPM sawrkar hmalakna in kuthnathawktuten sawhthing hralhna hre loin an loah, huanah leh an kawtkaiah an ‘DAH’ ngheknghuk a, DAH hlawhtlin dan chu a lungchhiat thlak takzet tiin a sawi.
“Research based veka hma la nghal tura inzuarten engmah ruahmanna mumal an lo neih loh avangin kuthnathawktuten sum nasa tak an hloh a, sawrkarin sum tam tak a hloh bawk. Sawrkar a hlawk loa, kuthnathawktute an hlawk hek lo,” a ti.
Lal chaka tuihalin nasa takin ZPM an an inzuar a, loan thami, a pung awm lo pek tiamin, sawrkar guarantor-ah a tang ang, an tih chuan thingtlanga kan unaute hnen a thleng dawn lo tih Lal Thanzara hian a sawi bawk.
“NLUP changtlung zawk hmangin Zoram kan tuam leh dawn a. Mipui kutah sum lengvak nasa takin a tam leh anga, sum vang lutuk vanga sumdawnna dik lo ruihhlo hluar leh tawlh hi a reh tawh ang,” a ti.