ZPM-in lawmthu sawi

Mizoram khaw 12-a village council by election neih zawh takah seat 16 awmah seat 8 an chang thei chu lawmawm an tih thu ZPM chuan an sawi.
ZPM Gen. Hqrs. thuchhuak chuan, VC by election hi khaw 12-a neih niin ZPM-in khaw 7-ah VC member 8 an neih belh a. Khaw tam zawkah Congress party leh MNF party a khawi emaw zawk zawkin candidate an nei loa, ZPM beihrawnna khua ni awma ngaih heng khaw thenkhatah pawh ZPM chuan hnehna a chang deuh zel tih a sawi.
‘ZPM candidate khawtlang rawngbawl tura ke rawn pen chhuakte hi ZPM Gen. Hqrs chuan a chhuang takzet a. Kan ram leh khawtlang tan malsawmna thlentu ni ngei turin duhsakna a hlan a ni,’ a ti.
Khaw hrang hranga ZPM candidate an tlin theihnana rim taka thawktu party worker-te leh an candidate-te duhsaka vote-tu mipui bakah inthlan buaipuitute chungah lawmthu a sawi tih a sawi bawk.