ZPM-in PAC member thlang

Zoram People’s Movement Executive Committee chu Ningani khan an president Lalliansawta kaihhruaiin an thukhawm a, Political Affairs Committee member an thlang.
ZPM party kal zel dan tur leh thildang pawimawh ngaihtuah a ni a, chu’ng zingah chuan party hmasawn zelna atana Executive member ruat belh bakah ZPM Constitution siamthat (ammend) chungchang sawi ho a ni. Lok Sabha MP inthlan atan infuih thar a ni bawk.
Chawhnu lamah PAC member atan mi 10 – BC Tawna, C Lalthanfela, Er Hmingluana, Lalmuanpuia Punte, RD Lalrammawia, R Lalchawia, R Lalchhuanmawia, SL Ngursailova Sailo, TBC Lalvenchhunga leh Vanchunglura te thlan an ni.