ZPM-in puhna chhanglet

ZPM puhna chi hnih – BJP thawhpui tur anga sawina leh MLA fund hman dan dikloa puhna chu an chhanglet.
Ningania ZPM Gen. Hqrs. hminga thuthar thehdarhtute kawmnaah zawhna chhangin ZPM PAC member TBC Lalvenchhunga chuan, Congress hruaitu Rahul Gandhi-a’n BJP tana kawng hawng theitu zingah MNF leh ZPM an tel ve ve nia a sawi chungchangah, BJP an thawhpui loh tur thu hi an party working president leh leader ten vantlang hmaa an sawi bakah ZPM thuneitu sang – Executive thukhawm chuan BJP an thawhpui loh tur thu hi kumin August-a an thutkhawmah thutlukna an lo siam daih tawh tih a sawi.
MNF-in a MLA Fund hman dan dik lo an sawi chungchanga zawhna chhangin Aizawl North-II bialtu MLA atanga bang lailawk Dr Vanlalthlana chuan, MLA zingah an fund hmang dan dik ber ni hiala a inrin thu a sawi a. Engkim uluk taka ziak leh chhinchhiahnaa dah vek a nih avangin a fund hman dan dik lo nia ngai chu court-ah kal mai se, hmachhawn a inhuam tih a sawi a ni.