ZPM lawmthu sawi inkhawm

Zoram People’s Movement party chuan MLA inthlan result chhiar zawh hnu ah an party office-ah Thawhtanni khan Pathian hnena lawmthu sawina inkhawm an bautsaih.
ZPM president Lalliansawta chuan ZPM party-in hnehna ropui tak an chang chu an lawm takzet a, Pathian leh ram mipui chungah lawmthu an sawi tih a sawi. “Kum 6 chauha upa party kan ni a, kum 60-a upate pawh kan lehpel thei hi a ropui hle. Kan phu reng vang niloin Pathian remruatah kan ngai a. Bible-ah chuan roreltu hi Pathian ruat an ni tih kan hmu a, hun a tihah roreltu chu a siam mai a ni. MLA-a tling zawng zawngte duhsakna sang ber kan hlan a, tling zo ve ta lo te pawh an kalzelna turah duhsakna kan hlan a, kan ram tan theihtawp chhuah tlang turin kan insawm a ni,” a ti.