Zuangtui khawtlang duh dan tihhlawhtling turin PWD ngen

Zuangtui khawtlang duh dan
tihhlawhtling turin PWD ngen
Hot mix plant tihchhiat chungchangah PWD leh Zuangtui khawtlang hruaitute inrem tawh mah se, khawtlang mipuiin he khawl awm an duh loh chhan chu tihhlawhtlin sak a, sawn sak ngei turin sawrkar an ngen nawn tih MNF party chuan an sawi.
Aizawl MNF East-I Block thuchhuak chuan, Zuangtui Local Council leh All NGO Committee-in hot mix plant chungchanga an veng mipui hmalaknaah ‘politic ball’ a hman an hlauh vang leh FIR hnuhkir turin Zuangtui LC& All NGO ten hma an lak avanga, an ngen angin Aizawl East-I MNF chuan hma a lakna tihtawp rih a rel tih a sawi a. He khawl sawn a nihna tur erawh chuan moral support a pe reng tih a sawi.
Sawrkar (PWD) ram chhungah mimal/ company-in sumdawnna an siam chu a dik lo, tiin, RTI zawhna PWD hotuten “tling lo chunga khawngaihna chhandam” tih vela khawtlang hruaitute an lo chhang chu mak an tih thu a sawi.
‘Engpawh nise, mimal ta leh mimal sumdawnna sawrkar rama awm, pollution tichhe bawk si hi, sawrkar hian Zuangtui khawtlang duh dan ngeiin sawn sak hram rawh se. Zuangtui khawtlang thinrim tawhten mimal/ company sumdawnna an tichhia erawh pawi kan tihpui hle,’ a ti.