100m hnehna nena kirleh Shelly-Ann Fraser-Pryce

Thla thar Budapest-a a world title 11-na tur sualchhuah tuma inbuatsaih mek Shelly-Ann Fraser-Pryce chuan 2023 season-a a vawikhatna Luzern, Switzerland-ah hmeichhe 100m intlansiak hnehna changin, Spitzen Leichtathletik event-ah hian a khup hliam kha a dam tawh tih lantir mah se heti chena thui tlanna’n hian second 10.82 a hmang a, world title beisei tur chuan a la tan leh hlek a ngai dawn niin a lang.
Three-time Olympic champion Shelly-Ann Fraser-Pryce hi tunah kum 36 mi ni tawhin, a khup hliam atanga dam hlim a ni a, a kum leh a hriselna dinhmun enin Switzerland ramah khan eng dinhmun nge a luah dawn tih sawilawk mai harsa deuh mah se hmakhalh zo an awm lo.
Jamaican hnungah hian New Zealand tlanchak Zoe Hobbs chu pahnihna niin, pathumnaah American Kennedy Blackmon a thleng thung.
Tarlan tawh angin, August thla hian Budapest khawpuiin World Champion-ships a thleng dawn a, tah hian Fraser-Pryce chuan a title kawl lai humhim tumin tlankawng a zawh leh dawn a ni..
He veteran sprinter hian tunthla tir July ni 9 khan an ram khawpui Kingston-ah 200m intlansiak hmachhawnin hliamin a tihbuai hnua a vawikhatna atan inelna a tan leh a, khami tum khan Shericka Jackson a um pha lo.
World Championships women’s 100m final hi thla thar August ni 21-a tlan tura ruahman lawk a ni.