2022-2023 chhungin tourist 222008 awm

Tourism minister Robert Romawia Royte chuan tourism hlawhtlinna lantirtu pawimawh tak chu tourist tam leh tam loh a nih thu sawiin, kum 2022- 2023 chhungin tourist mi 222008 in Mizoram an tlawh tih a sawi.
Minister hian Tourism department-in budget tlem te nei chungin hmasawnna nasa tak a nei tih a sawi a. Thenzawla Golf Resort leh Reiek area-a sawrkar hmasa hnathawhte thawh chhunzawma an tihpuitlin tawh thu a sawi. Thenzawla Wellness Spa bul tan thar an zofel tawh nia sawiin, NESIDS Scheme atangin Reiek area-ah cheng nuai 560 sengin tourist hmunhma an siam thar tih a sawi bawk.
Mizoramin a la neih ngai loh tour guide 89 chu department hmalakna in tha taka an training chhuah tir thu a sawi a. Heng tour guide-te hi tangkai taka hman an ni tawh tih a sawi a ni.