2023-a tour a sum lalut hnem ber Beyonce
Beyonce ‘Renaissance World Tour’ chuan dollar maktaduai 579.8 a lalut niin Billboard Boxscore chuan a tarlang a, kumina zaithiam tour atanga sum lalut hnem ber a ni. Hetihrual hian Taylor Swift ‘The Eras Tour’ hi Boxscore-ah an report ve lo tih erawh hre tel nghal ila.
Beyonce ‘Renaissance World Tour’ hi May ni 10-ah tanin, October ni 1 thleng khan ticket maktaduai 2.8 hralhin, ticket man atanga an sum hmuh chu dollar maktaduai 579.8 a tling a, kum khat chhunga tour atanga sum lalut hnem ber a ni ta a ni. Billboard Boxscore hian November ni 1, 2022 leh September ni 30, 2023 inkara tour chauh an chhiar a ni.
Nikum khan Bad Bunny chu tour atanga kum khat chhunga sum lalut hnem ber niin, dollar maktaduai 373 a lalut hman a, ani hian 2022 calendar year (January – December)-ah chuan dollar maktaduai 434 a lalut hman a, hei hi calendar year vawi khata tour atanga sum lalut hnem ber record a ni a, mahse, he record hi kuminah Beyonce hian a rawn khum chiang hle a ni. Kumina ‘Renaissance World Tour’ hi tun kum sarih chhunga Beyonce tour lehna hmasa ber a ni bawk.
Beyonce hian dollar maktaduai 580 hi thla nga chhung chauha a hmuhchhuah hman a ni a, hei hi pui tham tak a ni. Kuminah thla li chhung chu a thla bi a tour atanga sum lalut hnem ber a ni tawh bawk. July, August leh September thla khan dollar maktaduai 100 chuang theuh a lalut thei a, August thla khan dollar maktaduai 179 lalutin hei hi thla khat chhunga tour atanga sum lalut hnem ber record a la ni.
2023 chauh ni lo, tour awm tawh zawng zawng atanga teh pawhin Beyonce ‘Renaissance World Tour’ hi sum lak luh tamah pasarihna a ni pha a, all time ranking top 10-ah Beyonce chiah hi mihang zaithiam lang pha a la ni.
2023-a tour a sum lalut hnem ber Beyonce
Get real time updates directly on you device, subscribe now.